Persib menang lagi euy

Alhamdulillah, bieu minggu 2 November 2008 di stadion siliwangi PERSIB kenging deui sanajan teu dilalajoan penonton di stadion. tadi lawan nu dielehkeunna arema, skorna 2-1, nu ngagolkeun ti PERSIB si hilton jeung nyeck. arema poho saha nu ngagolkeun, suleyman traore kitu ngaranna teh.. nu jelas mah nempo maenna PERSIB basa babak 1, wuih aluss pisan… geus lila teu nempo maen PERSIB dahsyat siga bieu..

gol kahiji kacipta tina kreativitas kang hilton+ignorance bek arema. narima operan ti tukang, hilton ngontrol bola saeutik, tah abong taya bek arema nu ngahalangan, desh balna disepak ti luar kotak pinalti, gol!! 1-0 Pangeran Biru unggul. gol kadua mah kacipta tina tendangan bebas. tina posisi nu kira-kira sarua jeung posisi hilton basa nyieun gol kahiji, nyeck nyobe ngaleupaskeun tajongan tarik bin akurat nu teu katahan ku kiper arema dadang sudrajat, gol!! 2-0!! hanjakalna, sanggeus unggul 2-0 teh PERSIB kacolongan oge euy.. dimimitian ku aksi salah saurang pemaen arema duka saha, eta pemaen arema ngashoot, gagal, balna mantul, eh aya si suleyman, ditembak ti jauh, asup oge… jadi weh 2-1… tapi di luar kagolan eta mah maenna PERSIB babak 1 alus pisan, serangan ngalir nya ti kenca, katuhu, jeung ti tengah, pertahanan ge lumayan, maman sang libero keur alus tadi maenna. katambahan deui maenna arema babak 1 teh asa goreng pisan, ngoper wae rea salah, babak 1 total jadi milik PERSIB.

asup babak 2, arema mulei bangkit. arema jadi terbuka maenna, seranganna ge mulei rapih, jadi weh saimbang jeung PERSIB. saking saimbang, babak 2 jadi taya tim nu bisa ngagolkeun deui. peluang pangalusna masing-masing tim ngan beunang kana mistar gawang wungkul.. PERSIB sempet boga peluang basa sepakan tendangan bebas cabanas hade melengkung indah tapi sayangna bisa diselamatkeun ku mistar gawang, sementara fandi mohtar ti arema sempet ngareureuwas kabeh pemaen+bobotoh PERSIB basa sepakanna ngan beunang mistar padahal tema mursadad kiper PERSIB geus teu bisa ngantisipasi. nepi ka akhir pertandingan, skor 2-1 tetep teu robah. PERSIB meunang, bravo!!

aya 2 pemaen PERSIB nu jadi sorotan kuring pisan dina pertandingan tadi. pertama, hariono. bener-bener untung pisan baheula PERSIB meuli hariono. maenna beuki alus wae, bertenaga+aya dimana-mana. pantes pisan disaruakeun jeung gattuso. ngan hanjakal, mun gattuso mah sasag awakna, hariono mah… begeng… hehe, sing rea dahar atuh hariono meh badag awakna jadi beuki sangar katempona… hiji pemaen deui, bastos. nyaan ieu pemaen euweuh konsistensi pisan, kamari-kamari sempet rada alus, eh tadi balik deui siga basa pertama-pertama manehna datang, teu guna+teu kontributif!! emang siy nepi ayeuna bastos geus nyieun 8 gol, tapi mun maenna teu bisa konsisten mah, geus piceun lah ceuk urang mah, bari miceun si fabio lopes sakalian, da ngagolkeunna ge rea nu ti pinalti si bastos mah…

yah, nu penting mah PERSIB meunang we lah, mudah-mudahan tren meunang kieu bisa dipertahankeun boh di kandang boh di luar. ulah aya deui seri di kandang teu penting siga basa ditahan persijap kamari. lamun bisa terus2an maen siga babak 1 tadi mah insya 4JJ1 lah taun ieu PERSIB bakal juara LSI, aamiin.

One thought on “Persib menang lagi euy

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s